Boas, comezamos a semana con novas sobre o obradoiro de robótica. Posto que esta semana comezamos con exemplos de código, creamos un proxecto na Forxa de Mancomún no que poder subir o código xerado no obradoiro. Podedes acceder ó proxecto na seguinte dirección: https://forxa.mancomun.org/projects/obradoironxt10/
Onte, 5 de novembro, tivemos a primeira xornada do obradoiro de robótica que estamos realizando os venres deste mes de novembro. Tivemos unha boa participación, en total éramos máis de 20 persoas, o que fixo que houbese moi bo ambiente.
Nesta primeira serie de obradoiros faremos unha introducción amena á programación e montaxe de pequenos robots Lego Mindstorms (http://mindstorms.lego.com) mediante a linguaxe de programación JAVA.
O obxectivo final será montar, entre tódolos asistentes e mais os organizadores, un pequeno robot e programar as súas funcionalidades.
